حضرت مغیرہ بن شعبہ رضی اللہ عنہ
مولانا اشتیاق احمد ، مدرس دارالعلوم دیوبندحضرت مغیرہ بن شعبہؓ
آپ کو ”مغیرة الرأی“ بھی کہا جاتا تھا، آپ عرب کے نہایت ہوشیار اور چالاک لوگوں میں شمار ہوتے تھے، خندق کے سال ایمان لائے، بیعتِ رضوان میں بھی شریک رہے، غزوۂ یرموک میں ایک آنکھ زخمی ہوگئی، حضرت معاویہؓ نے آپ کو کوفہ کا گورنر بنایا تھا، آپ کاتبینِ وحی میں سے ہیں، لوگوں کے معاملات لکھا کرتے تھے، ”الوثائق السیاسیہ“ میں متعدد دستاویزات آپ کے لکھے ہوئے ہیں (دیکھیے: وثیقہ نمبر 81، 83، 86، 95، 154، 194، 195 اور 204)
(مزید حوالوں کے لیے دیکھیے: الاصابہ: جلد، 2 صفحہ، 452 الاستیعاب: صفحہ، 1446، البدایہ والنہایہ: جلد، 5 صفحہ، 350 المصباح المضئی: باب،8 الوزراء والکتاب: 12 تاریخ یعقوبی: جلد، 2 صفحہ، 80، التنبیہ والاشراف: 245 تجارب الامم: جلد، 1 صفحہ، 149 العجالة السنیہ: صفحہ، 246 عیون الاثر: جلد، 2 صفحہ، 315 بحوالہ ”نقوش“ جلد، 7 صفحہ187 تا 188)