حضرت عبداللہ رضی اللہ عنہ بن عبداللہ بن ابي بن سلول
مولانا اشتیاق احمد ، مدرس دارالعلوم دیوبندحضرت عبداللہؓ بن عبداللہ بن اُبي بن سلول
موصوف کا نام ”حباب“ تھا، نبی اکرمﷺ نے تبدیل کر کے”عبداللہ“ رکھ دیا، بدر، احد اور تمام غزوات میں سرکار دو عالمﷺ کے ساتھ شریک رہے، ان کا باپ رئیس المنافقین تھا۔
(الاستیعاب: جلد، 2 صفحہ، 335)
یہ کاتبینِ دربار رسالت مآبﷺ میں سے ہیں، یعقوبی، عمرو بن شعبہ، ابن عبدالبر، سہیلی، عراقی، ابن حجر، ابن سیدالناس، انصاری اور عامری وغیرہ نے اس کی صراحت کی ہے۔
(حوالے کے لیے دیکھیے: المصباح المضئی: صفحہ، 8 العجالة السنیہ: صفحہ، 247 الاصابہ: جلد، 2 صفحہ، 336، عیون الاثر: جلد، 2 صفحہ، 315، بہجة المحافل: جلد، 2 صفحہ، 161 بحوالہ ” نقوش“ جلد، 7 صفحہ، 177)
صدیقِ اکبرؓ کے عہد خلافت میں مرتدین کے ساتھ جنگ میں شہید ہوئے۔
(الاصابہ: جلد، 2 صفحہ، 336)