جس دن ماتم قائم کیتا کوفیاں بے ایماناں

خاطر کارن اہلِ البیتاں کھولیاں خوب زباناں

کھلیاں باہیں دین الائے ماتم سخت اٹھایا 

مرثیہ پڑھ دے ڈھول وجاندے ہےَ ہےَ شور مچایا 

بھین امام حسین ولی دی سن کے ایہہ فرمادے

کہیا شور ککارا لوگو وچہ کناں دے آوے

ماتم والیاں بول سنایا سن توں سیّد زادی 

دین دُنی دے اندر دائم عزت رہی تساڈی 

ماتم ویر تیرے دا کر دے روند بے زار وزاری 

بی بی کہیا چپ کروتاں دساں حقیقت ساری 

سن کے سخن ہوئے اوہ ساکت بی بی نے فرمایا

واہ سبحان اللہ کیا مطلب بی بی کھول سنایا

میں تعریف کراں اس رب دی جس نے ملک وسایا 

پڑھاں درود رسول اللہﷺ تے جس دا شان سوایا 

جس نے سچیاں خبراں رب تھیں ظاہر کر دکھلایاں 

جس نے خبراں صبراں والیاں سانوں کھول سنایاں 

کراں دعا خداوند آگے سچے دلوں بجانوں 

شالا روندے پٹدے جاؤ سارے ایس جہانوں خوشی تسانوں کدے نہ ہووے نہ رب کدے ہساوے 

روز حشر تک وقت تساڈا اینویں رب لنگھاوے

پئی قبول دعا مائی دی کیتی پاک الٰہی 

دیکھو ہن تک سارا ٹولہ ہے اندر گمراہی 

چڑھدے سال ایہہ ماتم کر دے رب تھیں مول نہ ڈر دے 

دل وچہ ہتک امام مکرم حُسہ حُسہ کردے